الرئيسية
البوابة
أحدث الصور
التسجيل
دخول
من طرف قصيدة : ابو مازن ادعس واحنا معاك
للشاعر عمر القاضي - بائع الورد - بمناسبة استحقاق ايلول وهي اهداء للأخ الريس محمود عباس باللهجة الفلسطينية
تمت الصياغة النهائية في 10-9-2011
هذي حكاية شعب صانع مستحيل
غصن يانع ما ينكسر مهما يميل
درب نازف ودمع جاري وليل
كفاح وجراح فجر ونصر وصهيل
هيـّها قصة نكبتي وثورتي ودولتي
من غزة من بيسان من بير السّبع
من جنين من صفد من تل الربيع
سالت دمانا ع الثرى مثل النـّبع
ناموا وتغطـّوا وتناسونا الرّبع
ضبّوا الدفاتر وكسروا القلم
خبّوا الخريطة وأخفوا العلم
وصارت العيشة طابور وأمم
وفلسطين لاجئين وكرتات وخيم
في 6 قبور دفنوا الوطن
من غير مراسم او مسيرة او ورود
بكل جلافة بكل صلافة بكل برود
بلا جنازة او تحيّة او بارور
دفنوا الأمل زرعوا الألم والحدود
تعبّى التابوت وفاض
من دم ينزف في الكفن
غطـّى القرى عبّى المدن
مات الضـّمير وقف الزمن
صفقة خيانة وصرنا بليّا وطن
جيوش العرب ما قصّرت
بس ماكو اوامر يا فلاح
بسلاح فاسد قاتلت
لكن كده الأوامر يا صلاح
البلاد راحت يا حليمة
مفروشة راحت يا كفاح
وما يوم غادرنا الأمل
رغم الغدر رغم الجراح
الجلد جلدي والضـّفر ضفري
النكبة جرحي واللجوء قدري
الوطن مأسور والليل فجري
والجرح اخضر وعطشان نهري
وانا نايم ع فرشة نار
وجمر وشوق بأحضاني
مشيت الدّرب مع ربعي
معاناتي واحلامي واحزاني
وانا ماشي بدرب طويل
وشوك النكبة ادماني
انا وخيّ نعليّ الصوت
والألم فينا جّواني
قهرنا الغول والتـّعذيب
القمع والتـّرغيب والتـّرهيب
الهجرة والخيمة والتـّتويب
والتـّوطين والتـّجنيس والتـّذويب
وانطلقنا بأسم الله
ويمين الله ما نرجع
مشينا مع يمين الله
لغير الله ما نركع
الحقوق محفوظة لشبكة القدس فلسطين
http://k345.yoo7.com/t5672-topic#12730
في حساب مهرك فلسطين
غير الدّم ما ندفع
وكرمال عيونك يا وطن
ع جبالك والعلم نرفع
وكتبت اسمك انا يمّه
كتبت اسمك على سلاحي
وسقيت وردك من جراحي
ونوّر فجري وصباحي
وتاج ع الراس بأفراحي
مشينا بليلة ما فيها قمر
وقلنا يا رب ياااااارب
ودمّي نوّر بشلاّله
بجريانه طريق الشـّعب
والمارد الفلسطيني الفتحاوي
مضى وحده يشق الدّرب
درب الثورة والجماهير
درب الكرامة والشهامة
درب العودة والعزّة والتـّحرير
في 1-1- سنة الخمسة والستين
من رحم الموت اطلعت
من سنان الخيمة افلتت
من نياب الحوت انطلقت
في ثم الموت وعبرت
من رماد النكبة والعهر
والخناجر مسمومة في الظهر
والطـّعاين في العتايم والخصر
وفي عيلبون صلـّينا الفجر
الحقوق محفوظة لشبكة القدس فلسطين
http://k345.yoo7.com/t5672-topic#12730
فلسطين يا ملقى حبابنا
ويا وطن هيّاهم غيّبنا
قدّامنا الهدف قدّامنا
بنينا جسر بعظامنا
لفـّينا السّلك على اجسامنا
فجّرنا الهدف بألغامنا
يا عيلبون يا عيلبون تهنابنا
في المعركة ورصاص
احمد يناديني
خذ مني هالمنديل غرقان في دمّي
خذ مني هالمنديل ودّيه لا أمي
بحبك يا أمي والموت يناديلي
وع القبر يا أمي قيدي قناديلي
يا يمّه سامحيني يا يمّه وادعيلي
وأحمد بصوت عالي
الجنـّة تناديلي نيّالي نيّالي
اقصف معي يا خوي ناور معي وأزحف
مانهرب من الموت وشجاعة ما توصف
وفي المعركة جدعان ورموشنا ما ترف
معانا دكتريوف ومعانا كلاشنكوف
والبي سفن B7على الكتف جاهز
وقنابل تتفجّر
ويزرد الرّشاش والدّوشكا تزأر
رجال الفتح ردّوا والعاصفة تثأر
اليوم يومك يا نهر وأهداف تدمّر
وعريسنا احمد يخيّط ع الخمسميّة
دورية ع كتف الجبل وفي السهل آليّة
اليوم يومك يا وطن لو 20دوريّة
والقلب اقوى من الصّخر وع الراس كوفيّة
برصاص مشنشل يا الرّبع وع الخصر شبرّية
وحزام ناسف ع البدن ربع الفدائيّة
يا ريت يمتد العمر بس ساعة زمانيّة
كنت صلـّت العصر وسلاحي بيديّه
وأمي تستنى الخبر وع ظهر عليّه
وأتبشـّري بالنصـّر يا غاليه عليّه
من ريحا وصلنا الخبر وصلوا الفدائيّه
رافعين رايات النـّصر 100 ورى 100
معهم ابو عمار معهم ابو مازن
راياتهم تشمخ بالعّز مرويّه
راسك يابو مازن بالمجد مرفوعة
ادعس يابو مازن ع دروب حريّه
جبينك يا بو مازن بالغار زيّناه
وراك ومعاك يا بو مازن يا صافي النيّه
هذا الوقت وقتك وفيك ينشـّد الظهر
وعلامنا نرفع وفلسطين عربيّه
194 ارقام دولتنا ووحدتنا وهويّتنا
والفيتو تجاهلناه ومنقوع في الميّه
يا يمّه ظلـّي زغردي والورد باب الدّار
بعدك يا ياسر منتهى بل بلّش المشوار
كل الفصائل قاتلت وكل الحمايل نار
بنت ومره شب وصبي وختيار
الحقوق محفوظة لشبكة القدس فلسطين
http://k345.yoo7.com/t5672-topic#12730
ع الموت نهجم ع الوغى ويا ليل كون نهار
رشي الورد رشي العطر ع ربع ابو عمار
رافعين رايات النصر ع درب ابو عمار
الحقوق للشاعر عمر القاضي
بااااائع الورد
وهذا اسهام متواضع منى في حملة فلسطين الدولة رقم 194 في الامم المتحدة كاملة السيادة والعضوية بعاصمتها القدس الشريف
» مواقع متعددة معلومات وثقف نفسك فرندبوك روابط
» مجموعات وغروبات على الفيسبوك برعاية قناة الضفتين والمغتربين
» مواقع بها معاني الاسماء للذكور والاناث
» دوام الجسر 27-10-2019 معبر الكرامة برنامج قلب على ضفتين
» دوام الجسر 10-10-2019 معبر الكرامة برنامج قلب على ضفتين
» دوام الجسر 7-10-2019 معبر الكرامة برنامج قلب على ضفتين
» دوام الجسر 6-10-2019 معبر الكرامة برنامج قلب على ضفتين
» دوام الجسر 3-10-2019 معبر الكرامة برنامج قلب على ضفتين